(24نیوز)اپوزیشن اتحاد پاکستان ڈیموکریٹک موومنٹ (پی ڈی ایم) کی اہم بیٹھک سے قبل پیپلز پارٹی نے اہم مشاورتی اجلاس طلب کر لیا۔
ذرائع کے مطابق پیپلز پارٹی کے چیئرمین بلاول بھٹو زرداری کی زیرِ صدارت اجلاس زرداری ہاؤس اسلام آباد میں ہو گا۔اجلاس میں مشاورت کے سلسلے میں پیپلز پارٹی کے سینئر رہنماؤں کو طلب کر لیا گیا ہے۔ اجلاس میں تحریک عدم اعتماد، لانگ مارچ اور استعفوں سے متعلق پارٹی کی حکمت عملی پر غور ہو گا۔ذرائع کا مزید کہنا ہے کہ مشاورتی اجلاس میں تحریک عدم اعتماد کے بعد اپوزیشن کے ردعمل پر بھی مشاورت ہوگی۔ پارٹی کی حکمت عملی تیار کرنے کے بعد پیپلز پارٹی کا وفد پی ڈی ایم کے اجلاس میں شرکت کرے گا۔