پاکستان جنوبی افریقہ T20سیریز ،قذافی سٹیڈیم کے گرد تمام ہوٹل بند 

(24 نیوز) پاکستان اور جنوبی افریقہ کے درمیان ہونیوالی T20سیریز کیلئے قذافی سٹیڈیم کے گرد تمام ریسٹورنٹس بند بغیر نوٹس بند کردیئے گئے ہیں۔

تفصیلات کے مطابق سول انتظامیہ اور پولیس نے پاکستان اور جنوبی افریفہ کے درمیان کھیلی جانیوالی T20سیریز کے لئے قذافی سٹیڈیم کے اردگرد تمام ہوٹل و ریسٹورنٹس بندکروا دیئے ہیں۔
ہوٹل انتظامیہ کے چیئرمین عامر رفیق نے میڈیا سے گفتگو کرتے ہوئے کہا کہ ریسٹورنٹس کو سول انتظامیہ اور پولیس نے بند کر وایا۔ ریسٹورنٹس پہلے ہی معاشی بدحالی کا شکار ہیں ان کے ساتھ زیادتی اور ناانصافی نہ کی جائے۔
انہوں نے مزید کہا کہ پبلک ٹرانسپورٹ اور تعلیمی ادارے کھلے ہیں جبکہ ریسٹورنٹس اِن ڈور ڈائننگ پر پابندی ناانصافی ہے۔ بازاروں اور دیگر جگہوں پر کرونا وائرس نہیں آتا لیکن ریسٹورنٹس جیسی محفوظ جگہ پرآجاتا ہے؟ حکومت اپنی دو گلی پالیسیاں بدلے۔ ریسٹورنٹس بند کرنے سے ریسٹورنٹس کے مالی نقصان کا ذمہ دار کون ہو گا؟ قذافی سٹیڈیم موجود ریسٹورنٹس کے پاس کھانے پینے کی اشیا جیسے مٹن، چکن وغیرہ ضائع ہوجائے گا۔ حکومت ایسے مواقع پر بروقت مطلع کرے تاکہ ریسٹورنٹس موثر اقدامات کر سکیں۔