(24نیوز)لاہور میں معروف گلوکار بلال سعید اور ان کے بھائی اور بھابھی کے درمیان ذاتی معاملے پر جھگڑا ڈولفن پولیس کی موجودگی میں ہوا، جس کی ویڈیو بھی منظر عام پر آ گئی ہے۔
تفصیلا ت کے مطا بق پولیس کا کہنا ہے کہ واقعہ 10 جنوری کو سندر تھانے کی حدود میں پیش آیا۔فوٹیج میں ڈولفن اہلکار بیچ بچاو کرواتے رہے۔ پولیس کا کہنا ہے کہ بلال سعید نے اپنے بھائی کے خلاف اندراج مقدمہ کی درخواست بھی دی تھی، فریقین کے مابین صلح ہونے پر مقدمہ درج نہیں کیا گیا۔
گلوکار بلال سعید کا موقف بھی سامنے آگیا۔ ان کا کہنا ہے کہ بھائی نے میرے گھر میں توڑ پھوڑ کی تھی۔گلوکار نے کہا کہ میرے بھائی نے بہت بدتمیزی کی تھی جس پر جھگڑا ہوا۔بلال سعید کا کہنا تھا کہ یہ میرا نجی مسئلہ تھا جو حل ہوچکا ہے۔