نجی ایئرلائن کی کراچی سے اسلام آباد آنےوالی پرواز بھی تاخیرکا شکار

(24 نیوز)قومی ایئرلائن کے بعد نجی ایئرلائن ایئربلیو کی کراچی سے اسلام آباد آنے والی پرواز بھی تاخیرکا شکارہو گئی۔
تفصیلات کے مطابق نجی ایئرلائن کی پرواز پی اے 206کورات8 بجے اسلام آبادکیلئے اڑان بھرنا تھا ،تاخیرکی شکار ہونے والی پرواز کے مسافروں نے جناح ٹرمینل کے گیٹ نمبر 12 کے سامنے احتجاجی مظاہرہ کیا۔
 نجی ایئرلائن انتظامیہ کی جانب سے جہاز میں خرابی بتائی جارہی ہے،مسافر گذشتہ 4 گھنٹے سے مسافر بورڈنگ پاسز جاری ہونے کے باوجود لاؤنج میں موجود ہیں،مسافروں کاکہناہے کہ ایئرلائن انتظامیہ کی جانب سے پرواز کی روانگی کیلئے رات ایک بجے کا وقت بتایا جارہا ہے۔