(ویب ڈیسک) پاکستان سپر لیگ (پی ایس ایل) 8 کے اتوار کو بگٹی اسٹیڈیم میں ہونے والے نمائشی میچ کیلئے کھلاڑی اور آفیشلز کوئٹہ پہنچنا شروع ہوگئے۔
آئی سی سی امپائر علیم ڈار اور کوئٹہ گلیڈی ایٹرز کے بیشتر کھلاڑی کوئٹہ پہنچ چکے ہیں۔
ایئر پورٹ پر کمشنر کوئٹہ، ڈائریکٹر جنرل (ڈی جی) کھیل درا بلوچ اور انٹرنیشنل کھلاڑیوں نے اُن کا استقبال کیا۔
یہ بھی پڑھیے: پشاور زلمی اور کوئٹہ گلیڈی ایٹرز، ٹیم اسکوڈز کا اعلان
محمد حارث، عمر اکمل، عثمان قادر اور دیگر کھلاڑیوں کے ساتھ سلیکشن کمیٹی کے سربراہ ہارون رشید بھی کوئٹہ پہنچے ہیں۔
کوئٹہ کے بیٹر عمر اکمل کا کہنا ہے کہ وہ نمائشی میچ کیلئے بہت پُرجوش ہیں، شائقین سے بھی کہوں گا وہ اسٹیڈیم آئیں اور دونوں ٹیموں کو سپورٹ کریں۔
میچ کے حوالے سے کوئٹہ گلیڈی ایٹرز کے مالک ندیم عمر نے شائقین کے نام پیغام جاری کیا اور کہا کہ کوئٹہ گلیڈی ایٹرز اپنے شہر میں کھیلنے آ رہی ہے، شائقین میچ دیکھنے آئیں اور بھرپور سپورٹ کریں۔