کینسر کا عالمی دن،سندھ حکومت نے علاج کیلئے3 ارب روپے کی جدید مشین نصب کردی

(ابراہیم رند)سندھ حکومت نے کینسر سے بچائو کے عالمی دن پر 3 ارب روپے کی لاگت سے اس موذی مرض کا علاج کرنے والی جدید مشین نصب کر دی۔

ایڈمنسٹریٹر ڈائوکمپری ہینسو کینسر کیئر سینٹر  ڈاکٹر امجد حسین شاہانی کے مطابق سندھ حکومت نے ملک میں پہلی بار3 ارب روپے کی لاگت سے ایم آر لینک مشین نصب کردی ہے۔مشین سے مختلف اقسام کے چھوٹے بڑے تمام کینسر کا علاج ممکن ہوسکے گا، انہوں نے بتایا کہ سی ٹی اسکین، ایم آر ائی ،پٹ اسکین سمیت دیگر تمام سہولتیں موجودہیں، حکومت سندھ اور ڈائو یونیورسٹی آف ہیلتھ سائنسز کے شکر گزار ہیں جنہوں نے جدید مشین نصب کی۔

ڈاکٹر امجد حسین شاہانی کا کہنا ہے کہ دنیا بھر میں اس مشین کے ذریعے کینسر کا علاج کرنے پر 28 لاکھ روپے کی لاگت آتی ہے ،ڈائو یونیورسٹی میں کینسر کا جدید طریقے سے مفت علاج کیا جائے گا۔

یہ بھی پڑھیں: کینسر سے بچاؤ کا عالمی دن، صدر اور وزیراعظم کا موذی مرض کے خلاف کوششیں جاری رکھنے کے عزم کا اعادہ