گریمی ایوارڈ 2025 :بیونسے نے البم آف دی ایئر کا ایوارڈ اپنے نام کرلیا
تقریب میں کیلی فورنیا میں آتشزدگی سے نمٹنے والے اہلکاروں کو خراج تحسین پیش کیا گیا
Stay tuned with 24 News HD Android App
(ویب ڈیسک)موسیقی کی دنیا کے سب سے بڑے ایوارڈز "گریمی" کے فاتحین کا اعلان کر دیا گیا.
معروف گلوکارہ بیونسے نے اپنے البم "کاؤ بوائے کارٹر" کے لیے سال 2025 کا البم آف دی ایئر کا ایوارڈ جیتا،یہ بیونسے کے کیریئر کا پہلا البم آف دی ایئر ایوارڈ تھاحالانکہ وہ اب تک 32 گریمیز اپنے نام کر چکی ہیں۔
لاس اینجلس میں منعقد ہونے والے 67 ویں گریمی ایوارڈ کی تقریب میں 90 سے زائد کیٹیگریز میں ایوارڈز کا اعلان کیا گیا،اس موقع پرریاست کیلی فورنیا میں آتشزدگی سے نمٹنے والے اہلکاروں کو خراج تحسین پیش کیا گیا اور متاثرین کے لیے فنڈز بھی اکٹھے کیے گئے۔
بیونسے نے ایوارڈ وصول کرتے وقت کہا کہ وہ اس ایوارڈ کی توقع نہیں کر رہی تھیں اور ان کے لیے یہ ایک حیرانی کا لمحہ تھا،اس کے علاوہ، انہیں بیسٹ کنٹری البم کا ایوارڈ بھی دیا گیا۔
اس سال امریکی ریپر کینڈرک لمار کو ان کے گانے "ناٹ لائیک اَز" کے لیے ریکارڈ آف دی ایئر اور سونگ آف دی ایئر کا ایوارڈ دیا گیا،اسی گانے کو بیسٹ ریپ پرفارمنس،بیسٹ ریپ سونگ اور بیسٹ میوزک ویڈیو کے ایوارڈز بھی ملے۔
امریکی گلوکارہ چیپل رون نے بیسٹ نیو آرٹسٹ کا ایوارڈ اپنے نام کیاجبکہ بیسٹ پاپ ڈو/گروپ پرفارمنس کا ایوارڈ لیڈی گاگا اور برونو مارس کے گانے"ڈائے ود اے اسمبلی" کو ملا۔
گلوکارہ شکیرہ کو "بیسٹ لیٹن پاپ البم" کا ایوارڈ اور سبرینا کارپینٹر کو "بیسٹ پاپ ووکل البم" کا ایوارڈ ملا۔
یہ بھی پڑھیں:معروف ایشیائی اداکارہ باربی شُو نمونیا کے باعث چل بسیں
گریمی ایوارڈز کے فاتحین کا فیصلہ ریکارڈنگ اکیڈمی کے تقریباً 13 ہزار ممبران پر مشتمل گلوکار،نغمہ نگار،پروڈیوسرز اور انجینئرز کرتے ہیں۔