صدر مملکت آصف علی زرداری سرکاری دورے پر بیجنگ پہنچ گئے 

(اویس کیانی) صدرمملکت آصف علی زرداری 5 روزہ سرکاری دورے پر بیجنگ پہنچ گئے۔ 

تفصیلات کے مطابق بیجنگ انٹرنیشنل ایئرپورٹ پہنچنے پر چین کے وزیرِ خزانہ لان فوآن، چین میں پاکستانی سفیر خلیل ہاشمی اور پاکستان میں چینی سفیر چیانگ زائے ڈونگ نے صدر مملکت کا استقبال کیا،صدر آصف علی زرداری 4 سے 8 فروری تک دورہ چین  پر ہیں،ان کا دورہ چین دوطرفہ تعلقات مزید مضبوط بنانے  کیلئے نہایت اہمیت کا حامل ہےاس دورے سے  چین کے ساتھ  دوطرفہ اقتصادی و  تجارتی تعاون مزید بڑھانے میں اہم کردار ادا کرے گا۔ 

دورے کے دوران صدر مملکت چین کی اعلیٰ سیاسی قیادت سے ملاقاتیں کریں  گے،صدر مملکت اپنے چینی  ہم منصب صدر شی جن پنگ    سے ملاقات کریں گے ،صدر مملکت چین کی سٹیٹ کونسل کے پریمیئر لی چیانگ سے  بھی ملیں گے ،صدر مملکت چینی شہر ہاربن میں 9ویں ایشین ونٹر گیمز کی افتتاحی تقریب میں بھی شرکت کریں گے۔ 

یہ بھی پڑھیں: روس میں میئر ذاتی ڈرائیور کی بیوی سے الیکشن ہار گیا