سکولز کھولنے کا فیصلہ19 جنوری کے اجلاس میں کیا جائیگا،سعید غنی

سکولز کھونے کا فیصلہ19 جنوری کے اجلاس میں کیا جائیگا،سعید غنی
 
 ( 24 نیوز)صوبہ سندھ کے وزیر تعلیم سعید غنی نے کہا ہے کہ 25 جنوری سے پرائمری سکولز  کھولنے کی تجویز آئی ہے ،سکولز  کب سے کھلیں گے، ابھی کچھ کہنا مشکل ہے۔

تفصیلات کے مطابق وزیر تعلیم سندھ نے بتایا ہے کہ پرائمری سکولز  25 جنوری سےکھولنے کی تجویز آئی ہے جبکہ سیکنڈری سکولز فروری کے پہلے ہفتے میں کھولننے کی تجویز سامنے آئی ہے، بعد میں بڑی کلاسیں کھولنے کی تجویز بھیجی گئی ہے، اس حوالے سے19 جنوری کو ہونیوالے اجلاس میں حتمی فیصلہ کیا جائے گا۔

سعید غنی نے کہا کہ تجویز میں تین مراحل میں سکولز  کھولنے کی بات کی گئی ہے، سکولز  کھولنےکا فیصلہ این سی او سی اور ہیلتھ ڈیپارٹمنٹ کا ڈیٹا دیکھ کر کرنا ہے۔انہوں نے کہا کہ سکولز  کب سے کھل جائیں گے یہ ابھی کہنا مشکل ہے لیکن ایس او پیز پر عمل درآمد ہو رہا ہو تو لاک ڈاؤن کی ضرورت ہی نہ پڑے، لاک ڈاؤن کا فیصلہ ہو تو اس کا اطلاق  پورے ملک میں ہونا چاہیے۔