کیچز ڈراپ ہونا ہمارے لئے بہت مہنگا ثابت ہوا،محمد عباس

(24نیوز)فاسٹ باؤلر محمد عباس کا کہنا ہے کہ کیچز ڈراپ ہونا ہمارے لیے بہت مہنگا ثابت ہوا ہے، ‏بطور باؤلر اگر وکٹ ملے اور نو بال ہو جائے تو بھی بہت مایوسی ہوتی ہے
تفصیلات کے مطابق محمد عباس نے کہا ہے کہ کین ولیمسن‏ ورلڈ کلاس بیٹسمین ہیں، کسی بھی ورلڈ کلاس بیٹسمین کا کیچ چھوڑتے ہیں تو وہ اس سے بھرپور فائدہ اٹھاتا ہے،‏ہم نے پہلے سیشن میں بہت محنت کی اور اچھی پوزیشن میں رہے، دوسرا سیشن بھی ٹھیک رہا لیکن تیسرے سیشن میں ہمیں مشکلات کا سامنا کرنا پڑا۔‏‏کوشش کریں گے کہ کل آتے ہی نیوزی لینڈ پر دباؤ ڈالیں، ‏پہلی کوشش یہی ہے کہ جلد از جلد نیوزی لینڈ کے بیٹسمینوں کو آؤٹ کریں۔انہوں نے مزید کہا کہ  رنز روکنے کی بھی کوشش کریں گے،‏ پچ پہلے دن کی نسبت تھوڑی تبدیل ہوئی ہے، ‏ ٹیسٹ میچ ہر چیز کا ٹیسٹ ہوتا ہے، اگر وکٹیں نہ ملیں تو رنز روکنے کی کوشش کرتا ہوں۔