لاکھوں دلوں پر راج کرنیوالی زبیدہ آپا کو بچھڑے 3سال بیت گئے

(24نیوز)منفرد کھانوں اور گھریلو ٹوٹکوں سے بے پناہ شہرت حاصل کرنے والی زبیدہ آپا کو مداحوں سے بچھڑے تین برس بیت گئے،لیکن انکا منفرد انداز آج بھی ان کی یاد تازہ کردیتا ہے۔
تفصیلات کے مطابق زبیدہ طارق عرف زبیدہ آپا 4 اپریل1945 کو حیدرآباد دکن میں پیدا ہوئیں ۔ ان کا تعلق ادبی اور فنکار گھرانے سے تھا۔مزیدار کھانوں کی ترکیبوں اور امورخانہ داری سےمتعلق مسائل کا سادہ ٹوٹکوں سے حل بتانے میں مہارت رکھنے والی زبیدہ آپا نے، بہت کم وقت میں شہرت پائی اور لاکھوں خواتین کے دلوں پر راج کیا
زبیدہ آپا نے تقریبا 4 ہزار ٹی وی شوز میں میزبانی کی۔ وہ 4 جنوری 2018 کو 72 سال کی عمر میں حرکت قلب بند ہونے کے باعث کراچی میں انتقال کر گئیں۔