کورونا:امریکہ میں پاکستانی سفارتخانہ بند،آن لائن سروس کھلی رہے گی

(24 نیوز) کورونا وائرس کے پھیلاؤ کے خدشات کےپیش نظر امریکہ کے شہر واشنگٹن ڈی سی میں پاکستانی سفارتخانہ بند کردیا گیا۔ویزہ یا پاسپورٹ کے لئے آن لائن سروس کھلی رہے گی۔

تفصیلات کے مطابق کورونا کیسز کے ممکنہ پھیلاؤ  و خطرات کو مدنظر رکھتے ہوئے واشنگٹن ڈی سی میں پاکستانی سفارتخانہ بند کردیا گیا ہے، تاہم یہ بندش صرف آئندہ 3 روز تک کےلئے ہے۔پاکستانی ترجمان کے مطابق سفارتخانہ 4 سے 6 جنوری تک بند رہے گا، سفارتخانہ کو جراثیم کش سپرے کرنے کے بعد کھول دیا جائے گا، اس دوران قونصلر سروسز بھی بند رہیں گی، جبکہ سفارتخانے کے تمام عملے کا کورونا ٹیسٹ بھی کروایا جائے گا، تاہم ویزہ یا پاسپورٹ کے لئے آن لائن سروس کھلی رہے گی۔