دنیا میں پٹرول سستا پاکستان میں مہنگا ہو رہا ہے۔۔ شاہد خاقان عباسی

  (24 نیوز )سابق وزیر اعظم شاہد خاقان عباسی نے وفاقی حکومت پر طنز کرتے ہوئے کہا کہ دنیا بھر میں پٹرول کی قیمت کم ہوئی جبکہ پاکستان میں یہ بڑھی ہے ۔

 سابق وزیراعظم نے کہاکہ پاکستان گزشتہ تین سال سے بد ترین مہنگائی کی لپیٹ میں ہے ، آج پورا ملک منی بجٹ کا انتظار کر رہا ہے ، وزیر خزانہ کہتے ہیں کہ عوام پر صرف دو ارب روپے کے ٹیکس لگائے ہیں ، آئی ایم ایف سے کیا ڈیل ہوئی کوئی جواب نہیں ہے ۔

یہ بھی پڑھیں: فضائی سفر کرنیوالوں کے لئے چونکا دینے والی خبر

شاہد خاقان عباسی نے کہا کہ آپ کو مسلم لیگ ن کے پانچ سالہ دور حکومت میں کوئی کرپشن ملی ، اگر ملی ہے تو ٹی وی کیمروں کے سامنے ہماری تفتیش کریں ۔

انہوں نے کہا کہ ہم نے بڑے زعم والے دیکھے ہیں لیکن فتح حق کی ہوگی ، ہزاروں لوگ جیلوں میں پڑے ہیں لیکن کوئی پوچھنے والا نہیں ۔ 

یہ بھی پڑھیں: خواتین کو جنسی حملوں سے بچانے کیلئے خصوصی ڈرونز تیار