کرسٹیانو رونالڈو کی سعودی مداحوں سے ملاقات، النصر کلب باضابطہ طور پر جوائن کرلیا

(24 نیوز) پرتگال کے اسٹار فٹبالر کرسٹیانو رونالڈو نے باضابطہ طور پر سعودی کلب النصر کو جوائن کرلیا۔ رونالڈو گزشتہ روز اپنی فیملی کے ہمراہ پرائیوٹ جیٹ میں سعودی دارالحکومت پہنچے جہاں ان کا پرتپاک استقبال کیا گیا۔

View this post on Instagram

A post shared by نادي النصر السعودي (@alnassr_fc)

ان کی باضابطہ آمد کی تقریب مرسول پارک اسٹیڈیم میں ہوئی، اس تقریب میں رونالڈو اور النصر کے فینز نے بڑی تعداد میں شرکت کی، اسٹار فٹبالر کلب کی جرسی پہن کر میدان میں آئے تو مداحوں نے اس موقع پر بھرپور جشن منایا۔

View this post on Instagram

A post shared by نادي النصر السعودي (@alnassr_fc)

کرسٹیانو رونالڈو نے  پریس کانفرنس کرتے ہوئے سعودی کلب النصر کو جوائن کرنے پر گفتگو کی۔

بین الاقوامی خبررساں ادارے کے مطابق رونالڈو نے پریس کانفرنس میں کہا کہ یورپ میں میرا کام مکمل ہوگیا، النصر سے معاہدہ کرنے سے قبل مجھے کئی جگہ سے کھیلنے کی پیشکش ہوئی۔ 

View this post on Instagram

A post shared by نادي النصر السعودي (@alnassr_fc)

37سالہ فٹبالر کا کہنا تھا کہ مانچسٹر یونائیٹڈ چھوڑنے کے بعد مجھے برازیل،آسٹریلیا، امریکا اور پرتگال سے بھی پیشکش ہوئی لیکن میں سعودی کلب النصر کو زبان دے چکا تھا۔

رونالڈو نے کہا کہ میں ہر  چیزجیت چکا،میں یورپ کے بہترین کلب سے کھیل چکا اب ایشیا میں ایک نیا امتحان ہے۔ النصر کے ساتھ میرا معاہدہ منفرد ہے، میں بھی منفرد کھلاڑی ہوں، اس لیے یہ میرے لیے معمولی ہے۔

رپورٹس کے مطابق رونالڈو اور سعودی کلب کے درمیان ڈھائی سالہ معاہدہ طے پایا ہے جس کے تحت النصر کلب انہیں 21 کروڑ 30 لاکھ ڈالرز معاوضہ ادا کرے گا۔