لاہور ، اسلام آباد سمیت کہاں کہاں بادل برسیں گے؟محکمہ موسمیات کی اہم پیشگوئی

(روزینہ علی)محکمہ موسمیات نے وفاقی دارالحکومت  سمیت ملک کے مختلف حصوں میں بارش کی پیشگوئی کردی۔

رپورٹ کے مطابق آج رات شمالی بلوچستان، خیبر پختونخوا ،گلگت بلتستان، کشمیر اور ملحقہ پہاڑی علاقوں میں بارش اورپہا ڑوں پر برفباری کا امکان  ہے، خطہ پوٹھوہار،اسلام آباد میں بارش جبکہ مری ،گلیات اورگردونواح میں بارش/برف باری متوقع ہے۔ پنجاب کے زیادہ ترمیدانی علا قوں اور بالائی سندھ میں رات میں درمیانی سے شدید دھند چھائے رہنے کی توقع ہے۔

اتوار کے روزموسم کی صورتحال کے حوالے موسم کا احوال بتانے والوں کاکہنا ہے کہ اسلام آباد اور گردونواح میں مطلع ابرآلود رہنے کے علاوہ بارش کی توقع ہے۔

خیبرپختونخواکے اضلاع      چترال، دیر، سوات، کو ہستان ، با جوڑ ،خیبر، شانگلہ، بونیر،بٹگرام، مانسہرہ اور ایبٹ آباد ،صوابی، مردان، پشاور، نوشہرہ ، کوہاٹ، کرک،کرم، اورکزئی اوروزیرستان میں بارش/ برفباری کا امکان ہے ۔تاہم صبح/رات کے اوقات میں بنوں، ڈیرہ اسماعیل خان اور گردو نواح میں ہلکی سے درمیانی دھند پڑنے کی توقع ہے۔

ادھر پنجاب کے بیشتر اضلاع میں موسم سرد اور مطلع جزوی ابر آلود رہنے کا امکان ہے۔تاہم راولپنڈی،اٹک،جہلم،چکوال،میانوالی ،سرگودھا، خوشاب، نورپورتھل، سیالکوٹ، منڈی بہاالدین ،نارووال ، حافظ آباد ،گوجرانوالہ، شیخوپورہ، قصور اورلاہور میں ہلکی بارش / بونداباندی جبکہ مری، گلیات اورگردونواح میں بارش/برفباری متوقع ہے۔ صبح /رات کے اوقات میں ا وکاڑہ، ساہیوال،سرگودھا، ٹوبہ ٹیک سنگھ، حافظ آباد، فیصل آباد ،جھنگ،بھکر، لیہ ، ملتان،بہاولپور، بہا ولنگر،خانیوال، خانپور، رحیم یار خان ،ڈی جی خان اور گردونواح میں شدید دھند چھائے رہنے کی توقع ہے۔

بلوچستان کے بیشتر اضلاع میں موسم شدید سرد اور خشک رہنےکا امکان  ہے۔

سندھ کے بیشتر اضلاع میں موسم سرد اورخشک رہنے کا امکان ہے ۔تاہم صبح /رات کے اوقات میں سکھر ، شہید بینظیر آباد،شکارپور، کشمور، خیر پور، مو ہنجو دارو اور گردونواح میں درمیانی سے شدید دھند چھائے رہنے کی توقع ہے۔

کشمیر اور گلگت بلتستان میں موسم شدید سرد/مطلع ابر آلود رہنے کے علاوہ بارش / برفباری کا امکان ہے۔

آج کم سےکم درجہ حرارت گوپس منفی 06، لہہ ،زیارت منفی 04،بگروٹ اور پاراچنارمیں منفی03ڈگری سینٹی گریڈ ریکارڈ کیا گیا۔