فلم’ہنگامہ2‘کے ٹریلر کا سوشل میڈیا پر ہنگامہ، ویڈیو ریلیز

(ویب ڈیسک)بالی ووڈ اداکاراؤں شلپا شیٹی ، پریش راہول ، راجپال یادو اور میزان جعفری کی اداکاری سے سجی فلم ’ہنگامہ2‘ کا ٹریلر ریلیز  کردیا گیا ے۔ جیسے ہی ٹریلر جاری کیا گیا ہے ، اس نے سوشل میڈیا کے تمام پلیٹ فارمز پر ہنگامہ کردیا۔

بھارتی اردو اخبار کی رپورٹ کے مطابق اٹھارہ سال کے طویل وقفے کے بعدڈھیر ساری مستی،الجھنوں اور تفریح سے بھر پور ’ہنگامہ2‘ پوری طرح تیار ہے۔ ٹریلر میں دیکھا جاسکتا ہے کہ دو خاندانوں کے درمیان الجھے ہوئے رشتوں کو مزاح کے رنگ میں رنگ کر ناظرین کے سامنے  پیش کیا  گیا ہے۔

’ہنگامہ2ے ٹریلر میں دیکھا جاسکتا ہے کہ پہلا خاندان تیواری کا ہےجس میں ایک غیرت مند شوہر شامل ہے۔جبکہ دوسرے یعنی کپور خاندان میں ایک خوبصورت بیوی اور ایک ریٹائرڈ آرمی کرنل کے ساتھ ان کے دو بیٹے اور پوتی پوتے شامل ہیں۔  کہانی اس وقت ایک دلچسپ موڑ لیتی ہے جب ایک نوجوان معصوم لڑکی ایک ناجائز بچے کے ساتھ  دروازے پر آتی ہے۔ اور سوال یہ پیدا ہوتا ہے کہ اس بچے کا باپ کون ہے؟ رادھے شرم تیواری کے کردار کو دہراتےہوئے ، پریش راہول ایک بار پھراپنی پیاری اہلیہ انجلی تیواری کے ساتھ `ہنگامہ2 میں دلچسپ انداز میں نظر آئیں گے۔ اداکارہ شلپا شیٹی کندرا اس بار انجلی تیواری کے کردار میں ناظرین کو نظر آئیں گی۔ اس ہنگامے کے بیچ ایک مثالی بیٹے کا کردار ادا کرتے ہوئے میزان جعفری کے ساتھ پرینیتا سبھاش بھی ہیں جو جنوبی ہند کی فلموں میں شاندار کیریئر کے بعد ہنگام2ے بالی ووڈ میں قدم رکھ رہی ہیں۔  ہنگامہ2میں راجپال یادو اور اشوتوش رانا کے ساتھ کامیڈی کنگ جانی لیور بھی ہیں۔ پہلی بار ان کی تینوں کو کامیڈی کرتے ہوئےدیکھنا ناظرین کے لئےکسی تحفہ سے کم نہیں ہوگا۔ فلم23جولائی کواو ٹی ٹی پلیٹ فارم ڈزنی پلس ہاٹ سٹار پر ریلیز ہوگی۔

یہ بھی پڑھیں:  گانا’ادھر آنے کا نہیں‘300ملین لوگوں نے دیکھ لیا، ویڈیو خوب وائرل