بیوی کے جسم اور ناک پر راڈ مارنے والا گرفتار

(24 ڈیسک)آئی جی اسلام آباد کی ہدایت پر گھریلو تشدد کے خلاف سخت ایکشن لیتے ہوئے جینڈر پروٹیکشن یونٹ نے بیوی کی درخواست پر شوہر کے خلاف مقدمہ درج کرکے ملزم کو گرفتار کرلیا۔

 تفصیلات کے مطابق ایک خاتون نے بہیمانہ تشدد کرنے پر تھانہ ویمن میں شوہر کے خلاف درخواست دی جس پر جینڈر پروٹیکشن یونٹ نے مقدمہ درج کرلیا۔ پولیس نے مکمل تفتیش کرنےکے بعد ملزم کو گرفتار کرلیا۔ مدعیہ نے درخواست میں موقف اختیار کیا تھاکہ میرے شوہر نے میرے بال کاٹ دئیے ،میرا شوہر مجھے گھر میں باندھ کر لوہے کے راڈ مارتا تھا۔مجھے بھیک مانگنے پر مجبور کرتا اور انکار پر تشدد کرتا تھا۔ پولیس کا کہنا ہے کہ ملزم نے اپنی بیوی کے جسم اور ناک پر راڈ مارے۔ آئی جی اسلام آباد پولیس کا کہنا ہے کہ  گھریلو تشدد کے سلسلہ میں شکایات سیل 8090 قائم کیا ہے،ایسی شکایات پر فوری ایکشن لیا جاتا ہے۔ انہوں نے کہا کہ گھریلو تشدد ایک مجرمانہ فعل ہے۔

یہ بھی پڑھیں: اداکارہ نادیہ جمیل  کو ایئرلائن نے بے یار و مددگار لندن ائیرپورٹ پر چھوڑ دیا