سی این جی کی قیمت میں ہوش اڑا دینے والا اضافہ متوقع

(24 نیوز ) ایل این جی  کی قیمت میں ممکنہ  اضافے کے پیش نظر سی این جی ایسوسی ایشن نے اہم اجلاس طلب کرلیا ہے جس میں آئندہ کا لائحہ عمل طے کیا جائے گا۔

تفصیلات کے مطابق ایل این جی پرجی ایس ٹی میں اضافے سے سی این جی کی قیمت میں 18 سے 30 روپے فی کلو کا اضافہ متوقع ہے جس پر سی این جی اسٹیشنز کے مالکان نے اہم اجلاس طلب کرلیا ہے۔

آل پاکستان سی این جی ایسوسی ایشن کی مرکزی مجلس عاملہ کا اجلاس کراچی میں طلب کیا گیا ہے جس میں نئی قیمتوں کے تعین اور اسٹیشن چلانے یا بند کرنے کے حوالے سے صلاح و مشورہ کیا جائے گا۔ غیاث پراچہ رہنما تاجر ایسوسی ایشن کا اس ضمن میں کہنا ہے کہ سی این جی کی قیمتوں میں ممکنہ اضافے کے پیش نظر وفاقی حکومت سے رابطہ قائم کیا ہے تاکہ پیدا شدہ مسائل کا حل تلاش کیا جا سکے۔

یہ بھی پڑھیں:آسٹریلوی ٹیم کا 23سال بعد دورہ پا کستان ۔۔اہم شخصیت نےمخالفت کر دی