شہباز گل کی پریس کانفرنس میں سینئر صحافی کو سیدھی دھمکی

(ویب ڈیسک )گزشتہ روز تحریک انصاف کے رہنما شہباز گل نے بشریٰ بی بی کے نام سے منسوب کی جانے والی مبینہ آڈیو ٹیپ پر پریس کانفرنس کی اور جواب دیتے ہوئے کافی جذباتی انداز اپنایا لیکن اس دوران انہوں نے موقع پر موجود ایک صحافی کو سنگین نتائج کی براہ راست دھمکیاں دینا شروع کر دیں ۔

تفصیلات کے مطابق شہباز گل نے سینئر صحافی فہد حسین کو مخاطب کرتے ہوئے کہا کہ ”آپ ایک گیدڑ ہیں ، آپ نے آزاد صحافیوں کو بدنام کیا ہے ، ہماری حکومت آنے دو پتر اگر استری نہ پھیری تو پھر کہیں ، میری پارٹی کے پڑھے لکھے لوگ کہتے ہیں کہ آپ امریکہ میں پروفیسر تھے آپ کیا باتیں کرتے ہیں، میں تحریک انصاف کی پڑھی لکھی قیادت اور لوگوں سے معذرت چاہتاہوں کہ جب آپ کو اعتراض ہوتاہے میری ایسی بات کرنے پر تو جیسا منہ ہے ویسی چپیڑ ماریں گے ۔“

یا خدا یہ کیا اندازِ گفتگو ہے!
شہباز گل کی سینئر صحافی فہد حسین کو دھمکی#GeoNews pic.twitter.com/DUFx6lVR9o

— Raza Ahmad Rumi (@Razarumi) July 3, 2022

شہباز گل کا مزید کہنا تھا کہ ن لیگ کے لیڈروں کے فونز کا ڈیٹا سامنے لے آئے تو یہ پچھتائیں گے،ان کے فون پورنوگرافی سے بھرے پڑے ہیں ، آپ کا پٹہ کھل گیا ہے تو کم از کم اپنا منہ بندرکھیں، شہبازشریف کے موبائل کا ڈیٹا سامنے رکھ دیا تو پتہ نہیں کہاں سے دھواں نکلے گا۔