کورونا، مثبت کیسز کی تعداد کم ہونے لگی،ملک بھر میں 83اموات

 (24نیوز)ملک میں کورونا سے مزید 83 افراد انتقال کرگئے تاہم مثبت کیسز کی شرح میں کمی دیکھی جارہی ہے اور گزشتہ 24 گھنٹوں میں تین ماہ بعد سب سے کم مثبت کیسز کی شرح رپورٹ ہوئی۔

 تفصیلات کے مطابق پاکستان میں کورونا کے اعداد و شمار بتانے والی ویب سائٹ (covid.gov.pk) کے مطابق گزشتہ 24 گھنٹوں کے دوران ملک بھر میں کورونا کے 52859 ٹیسٹ کیے گئے جن میں سے 1893 افراد میں کورونا وائرس کی تصدیق ہوئی جب کہ وائرس سے 83 ہلاکتیں ہوئیں۔

واضح رہے سرکاری پورٹل کے مطابق ملک میں گزشتہ 24 گھنٹوں کے دوران کورونا کے مثبت کیسز کی شرح 3.58 فیصد رہی۔گزشتہ 24 گھنٹوں میں کورونا کے مثبت کیسز کی شرح تین ماہ بعد ایک روز میں سب سے کم شرح ہے، اس سے قبل 27 فروری کو کورونا کی سب سے کم شرح 3.2 ریکارڈ کی گئی تھی۔

ذرائع کے مطابق ملک میں کورونا سے اب تک مجموعی طور پر اموات کی تعداد 21105 ہوگئی اور کل کیسز کی تعداد 9 لاکھ 28 ہزار 588 ہوچکی ہے جب کہ اب تک وائرس سے 8 لاکھ 56 ہزار 5 افراد صحتیاب بھی ہوئے ہیں۔
 یہ بھی پڑھیں:      کورونا سے مزید 73 افراد جاں بحق۔ 2455 مثبت کیسز رپورٹ