زندگی کی 55بہاروں نے مزید مضبوط کر دیا:وسیم اکرم

 (24نیوز)سوئنگ کے سلطان وسیم اکرم نے کہا ہے کہ اُنہوں نے اپنی زندگی کی 55 بہاریں دیکھ لی ہیں لیکن عُمر گُزرنے کے ساتھ وہ پہلے سے مضبوط ہورہے ہیں۔

تفصیلات کے مطابق وسیم اکرم نے اپنی 55ویں سالگرہ کے موقع پر اپنے تمام چاہنے والوں کے محبت بھرے پیغامات کا شکریہ ادا کرنے کے لیے مائیکرو بلاگنگ سائٹ ٹوئٹر پر خصوصی پیغام جاری کیا۔ سابق کرکٹر نے اپنے ٹوئٹ میں لکھا کہ ’میں 55 سال کا ہوگیا اور میں اب بھی پہلے سے زیادہ مضبوط ہوں۔‘اُنہوں نے لکھا کہ ’کورونا وائرس نے مجھے بہت کچھ سِکھایا ہے کہ فیملی سے بڑھ کر کچھ نہیں۔‘

Turning 55 and I’m stronger than ever before. Covid has taught me a lot. Family is the most incredible thing that has happened to me. I thank God for all the love in my life so I want to thank all of you following me on my journey and the support you have given me throughout.

— Wasim Akram (@wasimakramlive) June 3, 2021

خیال رہےوسیم اکرم نے لکھا کہ ’میں زندگی کی تمام نعمتوں اور محبتوں کے لیے اپنے رب کا شکریہ ادا کرتا ہوں۔‘سابق کپتان نے مزید لکھا کہ ’میں اُن تمام لوگوں کا بھی شکریہ ادا کرتا ہوں کہ جنہوں نے مجھے زندگی کے ہر موڑ پر سپورٹ کیا۔‘

 واضح رہے کہ گزشتہ روز قومی کرکٹ ٹیم کے سابق کھلاڑی وسیم اکرم نے اپنی 55ویں سالگرہ منائی تھی۔
 
 یہ بھی پڑھیں:    بیگم نسیم ولی کی وفات پر تعزیت کرنے والوں کا شکریہ ادا کرتے ہیں،اسفند یار ولی