عمران نے ریحام خان کو برباد کرنے کی ہدایات دی تھیں ، عظمیٰ کاردار

(24 نیوز )چیئر مین پاکستان تحریک انصاف  کی سابقہ بیوی نے ان سے متعلق بہت سے انکشافات اپنی کتاب میں بہت پہلے کر دیئے تھے اور بیشتر اوقات وہ میڈیا پر بھی وہ ان کے کردار پر انگلی اٹھاتی رہی ہیں لیکن اب عمران خان کے اپنے ساتھی ان پر انگلیاں اٹھا رہے ہیں ۔

تفصیلات کے مطابق ریحام خان نے سماجی رابطوں کی سائیٹ ٹویٹر پر  ایک صحافی کی جانب سے ٹویٹ کیا گیا ویڈیو کلپ ری ٹویٹ کیا ہے جس میں پی ٹی آئی کی سابق رہنما عظمیٰ کاردار کا کہنا ہے کہ طلاق کے بعد چیئرمین  پی ٹی آئی نے مجھ سمیت ان تمام خواتین کو جو میڈیا  پر جاتی تھیں ہدایات جاری کی تھیں  کہ ریحام خان کو تباہ کر دو اس کی ایسی کی تیسی پھیر دو ۔ 

جب ہم Pti میں تھے تو پی ٹی آئی کی خواتین جو میڈیا پے جاتی تھی ان کو عمران خان کی طرف سے خاص ہداہت ہوئی تھی کہ ریحام خان کی ایسی کی تیسی پھیر دو اسے برباد کرکے رکھ دو۔
کچھ بھی ہو ریحام خان صاحبہ عمران نیازی کی طرح منافق نہیں ہیں۔
سابق رہنما pti عظمی کردار pic.twitter.com/AnybJfJ6rh

— Dilawar ???????? (@RajaDilawarPK) June 3, 2023

ویڈیو کلپ میں دیکھا جا سکتا ہے کہ میزبان عظمیٰ کاردار سے سوال کرتا ہے کہ ریحام اور بشریٰ دونوں میں سے چیئرمین پی ٹی آئی کیلئے کون زیادہ بہتر تھیں؟جس پر عظمیٰ کاردار  نے الزام لگاتے ہوئے بتایا کہ ’چیئرمین پی ٹی آئی اور  ریحام خان کی طلاق کے وقت ہم پی ٹی آئی میں تھے، اس  دوران چیئرمین پی ٹی آئی نے میڈیا پر جانے والی تمام  پی ٹی آئی کی خواتین کو خاص ہدایات دی تھیں کہ آپ نے ریحام خان کی ایسی کی تیسی کرنی ہے، آپ نے ریحام خان کو پوری طرح برباد کردینا ہے  اور ریحام خان کے پرخچے اڑا دینے ہیں۔