پی ایس ایل: 2ٹیموں کے 3 کھلاڑیوں میں کورونا کی تصدیق
Stay tuned with 24 News HD Android App
(24نیوز)سپر لیگ میں شامل 2 ٹیموں کے مزید 3 کھلاڑیوں کے کورونا ٹیسٹ مثبت آگئے۔
تفصیلات کے مطابق کرکٹ بورڈ کی جانب سے ان تین کھلاڑیوں کے کورونا میں مبتلا ہونے کی تصدیق کی گئی ہے اور ان تینوں کھلاڑیوں نے بدھ کے روز ایچ بی ایل پی ایس ایل 6 کے منعقدہ ڈبل ہیڈر میچز میں شرکت نہیں کی۔ ان تینوں کھلاڑیوں میں علامات ظاہر ہونے کے بعدان کے کورونا ٹیسٹ گزشتہ روز دوپہر میں کروائے گئے تھے جب کہ تینوں کھلاڑی اب 10 روز تک آئسولیشن میں رہیں گے ۔
واضح رہے کہ ایچ بی ایل پی ایس ایل 6 کی آرگنائزنگ کمیٹی آج تمام ٹیموں کے مالکان اور ان کی مینجمنٹ کے ساتھ ورچوئل میٹنگ میں شرکت کرے گی جس کی تفصیلات بعد میں شیئر کی جائیں گی۔