گیلانی کی کامیابی جمہوریت کی فتح ہے :حمزہ شہباز

(24نیوز)اپوزیشن لیڈر پنجاب اسمبلی حمزہ شہباز نے کہا ہے کہ سینٹ الیکشن میں پی ڈی ایم جماعتوں کی کامیابی عوام کےجذبات کی ترجمانی ہے۔ یوسف رضا گیلانی کی کامیابی جمہوریت کی فتح ہے۔

 میڈیا سے گفتگو کرتے ہوئے حمزہ شہباز نےکہا کہ حکومتی ترجمان جھوٹ بولتے اور سبز باغ دکھاتے ہیں۔مہنگائی، بیروزگاری کیخلاف کچھ نہیں کریں گے تو ایسے عوامی فیصلے آئیں گے، قیمتوں کا جائزہ لیں تو آج گروتھ ریٹ منفی میں جا رہا ہے۔ پی ڈی ایم اجلاس میں مستقبل کا لائحہ عمل مشاورت سے مرتب کریں گے۔