راجہ پرویز اشرف بتا رہے ہیں کہ اخلاقیات کیا ہیں: شہباز گل

(24 نیوز) معاون خصوصی شہباز گل نے کہا ہے کہ راجہ پرویز اشرف وزیراعظم کو بتا رہے ہیں کہ اخلاقیات کیا ہیں، ووٹوں کی خرید و فروخت میں آپ ہمیشہ جیتیں گے، کیوں کہ ہم یہ گندا دھندہ نہیں کرسکتے۔

 تفصیلات کے مطابق  شہباز گل نے راجہ پرویز اشرف کے بارے میں بات کرتے ہوئے کہا کہ اگر چار منٹ کے لئے اخلاقیات رینٹ پر بھی لے لیں تو انہیں سمجھ آ جاتی کہ آپ کے منہ سے اخلاقیات کا لفظ نکلنا بھی اخلاقیات کی توہین ہے۔

دوسری جانب وفاقی وزیر فواد چودھری نے سماجی رابطے کی سائٹ ٹوئٹر پر اپنی ٹوئٹس میں کہا کی اپوزیشن کی سیاست یہ ہے، اپوزیشن میں ہو تو حکومت میں آنے کیلئے خوب پیسے لگاؤ، جب حکومت میں آؤ تو پھر خوب پیسے کماؤ، ایسی سیاست سے پاکستان کو شدید نقصان پہنچا، عمران خان اس دائرے کو توڑ کر رہے گا۔ انہوں نے لکھا تقسیم واضح ہے، ایک طرف انصاف ہے، دوسری طرف بیوپاری، اب فیصلہ ہوگا۔