نواز شریف کا کارکن جاگ گیا ،اب ووٹوں پر ڈاکہ نہیں ڈل سکتا،مریم نواز

(24نیوز)مسلم لیگ ن کی سینئر نائب صدر مریم نواز نے کہا کہ مسلم لیگ ن کو توڑنے والے خود ٹوٹ گئے،نواز شریف کے ہر کارکن نے نواز شریف کے بھاری بیانیے کا بوجھ اٹھایا ،میں سب کو مبارکباد پیش کرتی ہوں۔
جنرل کونسل کے اجلاس سے خطاب کرتے ہوئے مریم نواز نے کہا حکومتی بیانیہ ناکام ہوگیا،اب ہر جگہ ایک ہی نعرہ ہے ووٹ کو عزت دو،نواز شریف کا کارکن جاگ گیا ہے اب نواز شریف کا ووٹر آپ کو اب نہ عوام کی جیبوں پر ڈاکہ ڈالنے دے گا نہ ووٹوں پر ڈاکہ ڈالنے دے گا۔ انہوں نے کہا ہمارے تمام ارکان نے قائد کے حکم پر یوسف رضاگیلانی کوووٹ دیا اور وہ کامیاب ہوئے ،ہم نے آمروں کادوربھی دیکھاہے - ظلم،انتقام اورجبرکاایسادورپہلے نہیں دیکھا ،یہ سمجھ رہے تھے لیگی قیادت کوجیل میں ڈال کران کوتوڑلیں گے ،
 انہوں نے کہا کہ سینٹ الیکشن میں شکست کے بعد کہتے ہیں کہ پیسہ چلا،میں پوچھتی ہوں کیا ضمنی انتخابات میں پیسے چلا تھا ، یاد رکھیں پیسے نہیں چلا مسلم لیگ ن کا ٹکٹ چلا۔انہوں نے کہاسلیکٹرز کے ساتھ مل کر آتے ہو ،عوام کے ووٹ پر ڈاکہ ڈالتے ہو اور جمہوریت کا رونا روتے ہو۔