چیئرمین جوائنٹ چیفس آف سٹاف کمیٹی جنرل ندیم رضا کی آذربائیجان کے صدرسے ملاقات، اہم امور پر گفتگو

(24نیوز)چیئرمین جوائنٹ چیفس آف سٹاف کمیٹی جنرل ندیم رضا کی آذربائیجان کے صدر الہام عیلیو سے ملاقات، دوطرفہ تعاون کے فروغ پر تفصیلی غور کیا گیا۔ اس سے قبل ان کی آمد پر آذربائیجان کی مسلح افواج نے سلامی پیش کی۔
تفصیلا ت کے مطا بق آئی ایس پی آر کا کہنا ہے کہ جنرل ندیم رضا آذربائیجان کے وزیر دفاع، ریاستی سلامتی کے چیف سمیت فوجی قیادت سے بھی ملے،ملاقاتوں میں دوطرفہ دفاعی اور سیکیورٹی تعلقات پر تبادلہ خیال کیا گیا۔ مسئلہ کشمیر اور افغان تنازعہ سمیت علاقائی سلامتی کی صورتحال پر بھی گفتگو کی گئی۔
جنرل ندیم رضا نے پاکستانی مسلح افواج کی آذربائیجان قوم اور مسلح افواج کیساتھ یکجہتی کے عزم کا اظہارکیا۔انہوں نے یادگار شہداپر پھولوں کی چادر بھی چڑھائی۔