(24 نیوز) پشاور میں کوچہ رسالدار کی جامع مسجد میں نماز جمعہ کے دوران خود کش دھماکہ ہوا، جس میں 57افراد شہید،195 زخمی ہوگئے 10زخمیوں کی حالت تشویشناک ہے۔شہدا میں دو پولیس اہلکار بھی شامل ہیں۔
تفصیلات کےمطابق پشاور کے علاقہ کوچہ رسالدار دھماکے سے گونج اٹھا، کوچہ رسالدار کی جامع مسجد میں نماز جمعہ کے دوران خود کش دھماکے کے نتیجے میں 57افراد شہید ہو گئے جبک195 افراد زخمی ہوگئے جن میں سے 10افراد کی حالت تشویشناک ہے ، دھماکے کی اطلاع ملتے ہیں ریسکیو ٹیم جائے وقوعہ پر پہنچ گئیں ، امدادی کارروائیاں شروع کردیں گئیں ، دھماکے میں زخمی ہونے والے افراد کو پشاور لیڈی ریڈنگ ہسپتال میں منتقل کردیا گیا۔
سی سی پی او پشاورمحمد اعجاز خان کاکہنا ہے کہ ابتدائی تفصیلات کے مطابق قصہ خوانی بازار کے کوچہ رسالدار کی جامع مسجد میں دو حملہ آور نے گھسنے کی کوشش کی ،ڈیوٹی پر موجود پولیس اہلکاروں پر فائرنگ کی گئی ،فائرنگ سے دو پولیس جوان شہید۔پولیس ٹیم پر حملہ کے بعد جامع مسجد میں دھماکہ ہوا ہے.پولیس کے اعلیٰ حکام موقع پر پہنچ گئے.جائے وقوعہ سے اہم شواہد اکٹھے کر لئے گئے ہیں.تاہم دھماکہ کی نوعیت کے بارے میں ابھی تک کوئی معلومات سامنے نہیں آئیں۔
یہ بھی پڑھیں:روسی بمباری۔یوکرین میں واقع سب سے بڑےیو رپی جوہری پلانٹ میں آگ لگ گئی