آئی سی سی نے اندور اسٹیڈیم کی پچ کو غیرمعیاری قرار دے دیا، جرمانہ عائد

(ویب ڈیسک)  انٹرنیشنل کرکٹ کونسل نے بھارت کے شہر اندور کے سٹیڈیم کی پچ کو غیرمعیاری قرار دے دیا ہے۔

رپورٹس کے مطابق آئی سی سی نے بھارت اور آسٹریلیا کے درمیان ٹیسٹ میچ کیلئے اندور کے ہولکر کرکٹ سٹیڈیم کو پچ کی خرابی کے باعث 3 ڈی میرٹ پوائنٹس کا جرمانہ عائد کردیا۔

اندور سٹیڈیم کی پچ سے متعلق رپورٹ آئی سی سی ریفری کرس براڈ نے جمع کرائی تھی جو کہ بھارتی کرکٹ بورڈ کو ارسال کردی گئی ہے ، بھارتی بورڈ فیصلے کے خلاف 14 روز کے اندر اپیل کرسکتا ہے۔

The pitch at Indore used for third Test between India and Australia has been rated "poor" by the ICC with Holkar Stadium handed three demerit points https://t.co/S31GkcOLJM

— ESPNcricinfo (@ESPNcricinfo) March 4, 2023

آؤٹ فیلڈ مانیٹرنگ اور کپتانوں کی رائے جاننے کے بعد کرس براڈ نے پچ پر تحفظات کا اظہار کیا اور کہا کہ پچ بلے اور گیند کے درمیان توازن فراہم نہیں کرسکی، پورے میچ میں ضرورت سے زیادہ پچ میں باؤنس اور اچھال تھا۔

میچ ریفری نے مزید کہا کہ اندور کی وکٹ شروع سے ہی سپنرز کے حق میں تھی۔