(ویب ڈیسک )امریکا میں ڈلیوری بوائے کے بیگ سے 600 سے 800 سال پرانی ”ممی “برآمد ، نوجوان کے مطابق ممی اس کی گرل فرینڈ ہے ۔
غیر ملکی خبر رساں ادارے ڈیلی میل کے مطابق 26 سالہ ’جولیوسیزر برمیجو ‘‘کے قبضے سے ایک ممی برآمد ہوئی ہے جو کہ ملزم اپنے فوڈ ڈلیوری بیگ میں لیکر گھوم رہا تھا، حکام کے مطابق ممی تقریبا 600 سے 800 سال پرانی ہے جس کے بارے میں ملزم کا دعویٰ ہے کہ ممی ا سکی روحانی گرل فرینڈ ہے ۔
رپورٹ کے مطابق برمیجو نے انکشاف کیا ہے کہ وہ اس کی گرل فرینڈ یعنی ممی اس کے ساتھ تقریبا20 سال سے ہے اور وہ اس کے ساتھ روز سوتا بھی ہے ، اس کا خیال رکھتا ہے اور آج وہ ممی کو باہر ہوا دلانے کیلئے لایا ہے ,برمیجو کو پیرو کے شہر پونو میں گرفتار کیا گیا.
ایک سرکاری اہلکار نے بتایا ملزم کو زیر تفتیش رکھا جائے گا،جب تک کہ تحقیقات مکمل نہیں ہو جاتیں، رپورٹ میں انکشاف کیا گیا ہے کہ گرفتار ملزم کی جانب سے کہا گیا تھا کہ یہ اس کی گرل فرینڈ ہے لیکن دراصل یہ ممی ایک مرد کی ہے ۔
سابق ڈیلیوری مین کے مطابق اس کے والد 30 یا 40 سال قبل ممی کو گھر لائے تھے، جب اسے میوزیم کو عطیہ کرنے کا منصوبہ ناکام ہو گیا،
اس کے خاندان نے اسے 2,000 پیرو سول (£434) میں خریدا، اس نے کہا اس وقت 'بہت زیادہ رقم' تھی ، پیرو کی وزارت ثقافت کے مطابق، پری ہسپانوی آثار ایک 'ممی شدہ بالغ مرد فرد' تھے۔یہ 'ممکنہ طور پر پونو کے مشرقی علاقے سے تھا۔