6 روز قبل اغوا ہونیوالی نئی نویلی دلہن بازیاب
Stay tuned with 24 News HD Android App
(24نیوز)خانیوال سے 6 روز قبل اغوا ہونے والی نئی نویلی دلہن کو جھنگ سے بازیاب کرالیا گیا، پولیس نے ملزموں کوگرفتار کر لیا۔
تفصیلات کے مطابق 6 روز قبل اغوا ہونے والی نئی نویلی دلہن کو جھنگ سے بازیاب کرا لیا گیا، خانیوال میں تھانہ صدر کے علاقے میں 15 ملزمان نے اسلحہ کے زور پرعمران کے گھر میں دھاوا بولا اور اہل خانہ کو تشدد کا نشانہ بنا کر ارم بی بی کو اٹھا لے گئے۔
تھانہ صدر میں مقدمہ درج کرکے پولیس نے کارروائی کرتے ہوئے ارم بی بی کو بازیاب کراتے ہوئے 2 ملزموں کو بھی گرفتار کرلیا، پولیس کی جانب سے باقی ملزموں کی گرفتاری کیلئے چھاپے مارے جارہے ہیں۔
ملزموں کو شبہ تھاکہ ایک ماہ قبل گھر سے بھاگنے والی ان کی ہمشیرہ کو ارم بی بی کے بھائیوں نے ورغلایا تھا۔
ڈی پی او خانیوال نے کہاکہ عوام کی جان ومال کا تحفظ ان کی اولین ترجیح ہے، قانون کی بالادستی کیلئے تمام وسائل بروئے کار لائیں گے۔