پی ٹی آئی رہنما  کا وزیراعظم کے مشیر پرویز خٹک پر  طنز

(24 نیوز)پی ٹی آئی رہنما سلمان اکرم راجہ نے وزیر اعظم کے مشیر پرویز خٹک پر طنز  کردیا۔

اسلام آباد ہائی کورٹ کے باہر میڈیا کے نمائندوں سے گفتگو کرتے ہوئے پی ٹی آئی رہنما اور وکیل سلمان اکرم راجہ نے کہا کہ بانی پی ٹی آئی سے ملاقاتیں نہیں کروائی جاتیں جب کہ عمران خان کی ہفتہ وار 2 ملاقاتیں آئینی حق ہے اور عدالتی حکم بھی موجود ہے، ہمارے لوگوں کو گرفتار کرنے کی کوششیں کی جاتی ہیں۔

مزید پڑھیں:عمران خان کی بشریٰ بی بی سے ملاقات نہ کرانے پر توہین عدالت کی درخواست نمٹادی گئی

انہوں  نے کہا کہ فارم 47 پر شیرافضل مروت کے بیان پر تبصرہ نہیں کرونگا ، شیر افضل  کی پارٹی ممبر شپ کا فیصلہ بانی کرینگے، سب کو پتا ہے فارم 47 پر کون جیتا ہے ۔

سلمان اکرم راجہ کا کہنا تھا کہ حکومت سے تو الیکشن سے متعلق رپورٹ برادشت نہیں ہو رہی ،  یہ دور جھوٹے بیانیے کا ہے،  ہم جبر کے خلاف لڑتے رہیں گے۔

انہوں نے وزیراعظم کے مشیر پرویز خٹک پر طنز کرتے ہوئے کہا کہ جھوٹ فریب و مکر کی حکومت میں پرویز خٹک جیسے لوگ ہی لگیں گے ناں۔