کرکٹ بورڈ کا دوسرے سیمی فائنل کیلئے بڑی خوشخبری کا اعلان

(24 نیوز)پی سی بی نے چیمپئنز ٹرافی کے دوسرے سیمی فائنل کے حوالے سے بڑی خوشخبری کا اعلان کرتے ہوئے بتایا کہ لاہور میں کھیلے جانے والے دوسرے سیمی فائنل میں شریک شائقین کو مفت افطاری کرائی جائے گی۔

پی سی بی نے منگل 5 مارچ کو ہونے والے سیمی فائنل میچ کے دوران شائقین کو فری افطار کروانے کا اعلان کیا ہے۔

کرکٹ بورڈ کے مطابق قذافی اسٹیڈیم میں نیوزی لینڈ و جنوبی افریقا کا میچ دیکھنے والوں کو فری افطاری دی جائے گی، شائقین ٹکٹ دکھا کر کجھور، جوس اور منی پیزا والا افطاری باکس حاصل کر سکیں گے۔

شائقین سٹیڈیم کے اندر فوڈ سٹالز سے کھانے پینے کی دیگر اشیاء بھی خرید سکیں گے، سیمی فائنل میچ کل دوپہر 2 بجے شروع ہوگا جب کہ افطار شام 6 بج کر 5 منٹ پر ہوگا۔