پہلی بار ایک دن میں ڈیڑھ لاکھ سے زائد ویکسینیشن، اسد عمر
![ایک دن میں ڈیڑھ لاکھ و یکسینیشن کی گئی](https://www.24urdu.com/digital_images/large/2021-05-04/news-1620111233-8377.jpg)
Stay tuned with 24 News HD Android App
![Get it on Google Play](https://play.google.com/intl/en_us/badges/static/images/badges/en_badge_web_generic.png)
(24نیوز)وفاقی وزیر برائے منصوبہ بندی اور این سی او سی کے سربراہ اسد عمر کا کہنا ہے کہ کل پہلی بار ایک دن میں ویکسین لگانے کی تعداد ڈیڑھ لاکھ سے تجاوز کر گئی ہے۔
سماجی رابطے کی ویب سائٹ ٹوئٹر پر اپنے پیغام میں وفاقی وزیر برائے منصوبہ بندی اور این سی او سی کے سربراہ اسد عمر نے بتایا کہ کل 1 لاکھ 64ہزار سے زائد افراد کو ویکسین لگائی گئی۔اسد عمر نے کہاکہ کل پہلا دن تھا کہ 40 سال اور اس سے زیادہ عمر کے لوگوں کو ویکسین لگائی گئی ہے۔
کل پہلی دفعہ کسی بھی ایک دن میں ویکسین لگانے کی تعداد ڈیڑھ لاکھ سے تجاوز کر گئی. کل ایک لاکھ چونسٹھ ہزار سے زائد افراد کو ویکسین لگائ گئ. کل پہلا دن تھا کے 40 سال اور اس سے زیادہ عمر کے لوگوں کو ویکسین لگائ گئ.
— Asad Umar (@Asad_Umar) May 4, 2021
دوسری جانب این سی او سی کا کہنا ہے کہ 3 مئی کو 1 لاکھ 64 ہزار 168 ویکیسن کی خوراکیں لگائی گئی جس کے بعد ملک میں اب تک 27 لاکھ 66 ہزار 108 ویکیسن کی خوراکیں لگائی جا چکی ہیں۔واضح رہے کہ کورونا وائرس کی جاری تیسری لہر کے دوران پاکستان بھر میں مریضوں اور اموات میں تیزی سے اضافہ جاری ہے، کورونا مریضوں کی تعداد کے حوالے سے مرتب کی گئی فہرست میں ملک 31 ویں نمبر سے 30 ویں پر آگیا ہے۔
ملک بھر میں کورونا وائرس سے انتقال کرنے والوں کی مجموعی تعداد 18 ہزار 310 ہو گئی ہے، جبکہ کُل مریضوں کی تعداد 8 لاکھ 37 ہزار 523 ہو چکی ہے۔24 گھنٹوں میں کورونا وائرس کے مزید 37 ہزار 587 ٹیسٹ کیئے گئے، جبکہ اب تک کُل 1 کروڑ 19 لاکھ 65 ہزار 682 کورونا ٹیسٹ کئے جا چکے ہیں۔
یہ بھی پڑھیں: 40 سال سے زائد عمر کے افراد کی ویکسینیشن کا عمل شروع