ڈاکو سنار کی دوکان سے 12 کلو سونا لوٹ کر فرار

(24 نیوز)کراچی کے علاقے کلفٹن تین تلوار پر رواں سال کی سب سے بڑی نقب زنی نامعلوم ملزمان سنار کی دکان سے 12 کلو کے قریب سونا لوٹ کر فرار لوٹے گئے۔

تفصیلات کے مطابق نقب زنی کے دوران چوری ہونیوالے سونے کی قیمت مبینہ طور پر 10 کروڑ روپے سے زائد ہے واقعے کا مقدمہ کلفٹن تھانے میں درج کرلیا گیا۔ مقدمہ محمد آصف کی مدعیت میں درج کیا گیا ۔
مدعی کے مطابق دوکان پر تیار شدہ اور بکس میں رکھے زیورات فروخت کرتے ہیں۔ 3 مئی کو افطار سے قبل اپنی دکان بند کرکے گھر چلا گیا تھا ،4 مئی کو جب دوکان پہنچا تو چار تالے ٹوٹے ہوئے تھے دکان میں موجود 12 کلو کے قریب طلائی زیورات چوری ہوگئے تھے ۔
پولیس کی جانب سے تحقیقات کا عمل شروع کر دیا گیا۔ مارکیٹ میں اندر جانے کا ایک ہی دروازہ ہے، ڈی آئی جی سائوتھ اس دروازے پر تالے لگے ہوتے ہیں اور چار چوکیدار موجود ہوتے ہیں ۔مدعی کے مطابق تجوری نہیں صرف شوکیس میں سارا سونا رکھا تھا ۔ ڈی آئی جی پولیس کو واردات کے کئی گھنٹے کے بعد رپورٹ کی گئی ۔ جاوید اکبر ریاض کا کہنا ہے کہ معاملے پر ہر پہلو سے تفتیش کر رہے ہیں۔
یہ بھی پڑھیں:محکمہ موسمیات نے بارشوں کے حوالے سے خوشخبری سنا دی