سینٹ کے چیئر مین صادق سنجرانی سے متعلق تشویش ناک خبر آ گئی

(24نیوز) چیئرمین سینیٹ صادق سنجرانی کی طبیعت ناساز ہوگئی جس کے بعد وہ اے ایف آئی سی راولپنڈی پہنچ گئے۔
نجی ٹی وی کا کہنا ہے کہ اے ایف آئی سی میں چیئرمین سینیٹ صادق سنجرانی کا طبی معائنہ کیا گیا۔چیئرمین سینیٹ صادق سنجرانی کے ضروری ٹیسٹ کئے گئے۔ڈاکٹروں نے ان کو مکمل آرام کا مشورہ دیدیا۔

یا د رہے کہ صادق سنجرانی بلوچستان کے رہائشی ہیں۔ وہ ملک کے تیسرے بڑے اہم عہدے کے لیے منتخب ہوئے۔ان کا تعلق چاغی سے ہے اس علاقے کی عالمی وجہ شہرت پاکستان کا ایٹمی دھماکہ اور سیندک پراجیکٹ رہے ہیں۔صادق سنجرانی کے والد خان محمد آصف سنجرانی ضلع کونسل چاغی کے رکن ہیں جبکہ ایک بھائی رازق سنجرانی سینڈیک میں ڈائریکٹر جبکہ دوسرے بھائی میر محمد سنجرانی بلوچستان کے سابق وزیر اعلیٰ ثنا اللہ زہری کے مشیر رہ چکے ہیں۔

یہ بھی پڑھیں:آرمی چیف جنرل قمر جاوید باجوہ سعودی عرب پہنچ گئے