کراچی: کلفٹن کے پارک میں جھولے سے گر کر 17 سالہ نوجوان جاں بحق

(شاہ زیب حسین) کراچی میں 17 سالہ نوجوان کلفٹن میں پلے لینڈ میں جھولے سے گر کر جاں بحق ہوگیا۔

کلفٹن میں عبداللہ شاہ غازی کے مزار کے قریب قائم پلے لینڈ میں جھولے سے گر کر 17 سالہ نوجوان ولی اللہ جاں بحق ہوگیا، ولی اللہ اپنے رشتے دار نوجوانوں کے ساتھ پلے لینڈ آیا تھا۔

حادثے کے وقت وہاں موجود عملے نے بتایا کہ نوجوان کی غفلت کے باعث واقعہ پیش آیا، متوفی نوجوان چلتے جھولے میں سیفٹی لاک کھول کر کھڑا ہونے کی کوشش کر رہا تھا جس کے باعث وہ تیز رفتار جھولے سے باہر گرگیا۔

یہ بھی پڑھیے: ’’مارنے والے سے بچانے والا زیادہ طاقتور ہے‘‘ شہری کے ٹارگٹ کلنگ سے بچنے کی ویڈیو وائرل

   جاں بحق نوجوان کے رشتے دار جائے حادثہ دیکھنے کیلئے آئے، ان کا کہنا تھا کہ وہ جائے حادثہ دیکھ کر نوجوان کے اہل خانہ کو تفصیلات بتائیں گے تاکہ انہیں تسلی ہو۔

رپورٹس کے مطابق لاش کو ضابطے کی کارروائی کے بعد جناح اسپتال منتقل کردیا گیا۔

Boy in #Karachi passed away The young man is seen on CCTv Phootages extending his hands in a swing at Clifton Playland. Boy falls off the swing; Playland management claims that the disaster occurred as a result of the boy's recklessness.#joyland @playland pic.twitter.com/MSnsxrnJBS

— Ebad Usmani (@Ebadusmanii) May 3, 2023