عالمی شطرنج لیگ کا افتتاحی ایڈیشن دبئی میں 21 جون سے شروع ہوگا
Stay tuned with 24 News HD Android App
(24 نیوز) دبئی کئی حوالوں سے شہرت رکھتا ہے اور کئی ریکارڈز کا حامل ہے اور اب اس کے ریکارڈز میں ایک اور کا اضافہ ہونے جارہا ہے۔
دبئی کو عالمی شطرنج لیگ کے پہلے ایڈیشن کی میزبان کے طور پر چنا گیا ہے اس کا بات اعلان دبئی میں گزشتہ دنوں ایک پریس کانفرنس میں کیا گیا۔ دنیا کی سب سے بڑی اور پہلی فرنچائز پر مبنی شطرنج لیگ کا دبئی میں انعقاد دبئی اسپورٹس کونسل کے تعاون کیا جائے گا جو اس لیگ کا میزبان شرکت دار ہے۔
اس بارے میں سیکرٹری جنرل دبئی سپورٹس کونسل سعید حریب کا کہنا تھا کہ عالمی شطرنج لیگ کی میزبانی ہمارے لیے ایک اہم موقع ہے اس سے نہ صرف کھیل کو فروغ ملے گا بلکہ نئے شائقین بھی اس سے منسلک ہوں گے۔
یہ بھی پڑھیے: انگلش پریمیئر لیگ،مانچسٹر سٹی نے ویسٹ ہیم کو تین صفر سے ہرا دیا
عالمی شطرنج لیگ کا پہلا ایڈیشن 21 جون سے 2 جولائی 2023ء تک کھیلا جائے گا جس میں 6 ٹیمیں حصہ لیں گی اور ہرٹیم میں 6 کھلاڑی ہوں گے، جن میں 2 خواتین اور ایک آئیکون کھلاڑی ہوگا۔ لیگ میں ہر ٹیم 10 میچز کھیلے گی۔ ہر میچ میں 6 بورڈز ہوں گے جس پر ایک ساتھ مقابلہ ہوگا۔
سرفہرست 2 ٹیمیں 2 جولائی 2023ء کو لیگ کا فائنل کھیلیں گی۔