سیاست میں تشدد کی کوئی جگہ نہیں، سیاسی جماعتوں کو پرامن رہنا چاہیئے: امریکی وزیر خارجہ انٹونی بلنکن

(ویب ڈیسک) امریکا نے سابق وزیراعظم عمران خان پر قاتلانہ حملے کی شدید الفاظ میں مذمت کی ہے۔

امریکی وزیر خارجہ انٹونی بلنکن نے کہا ہے کہ عمران خان کی ریلی میں فائرنگ کی سخت الفاظ میں مذمت کرتے ہیں۔

یہ بھی پڑھیے: عمران خان پر قاتلانہ حملے کے خلاف لندن میں تحریک انصاف کے کارکنان کا احتجاجی مظاہرہ

سماجی رابطے کی ویب سائٹ ٹوئٹر پر اپنے بیان میں انٹونی بلنکن نے عمران خان اور دیگر زخمیوں کی جلد صحتیابی کے لیے نیک خواہشات کا اظہار کیا۔

انہوں نے مزید کہا کہ تمام سیاسی جماعتوں کو پرامن رہنما چاہیئے، سیاست میں تشدد کی کوئی جگہ نہیں۔

The U.S. strongly condemns the shooting of @ImranKhanPTI at a political rally. We wish him and all others injured a quick recovery, and we offer condolences to the family of the individual who was killed. All parties should remain peaceful. Violence has no place in politics.

— Secretary Antony Blinken (@SecBlinken) November 3, 2022

انٹونی بلنکن نے عمران خان کی ریلی میں ایک شخص کے جاں بحق ہونے پر لواحقین سے بھی افسوس کا اظہار کیا۔