علی ظفرکےٹوئٹر کی بہتری کے لیے ایلون مسک کو مفیدمشورے

(ویب ڈیسک )مائیکرو بلاگنگ سائٹ ٹوئٹر کا نظام سنبھالتے ہی نئے سربراہ ایلون مسک آئے روز سماجی رابطوں کی ویب سائٹ کو بہتر بنانے کے لئے نت نئی تبدیلیاں کر رہے ہیں۔ٹوئٹر کے سربراہ ایلون مسک اور پاکستانی گلوکار علی ظفر کے درمیان ٹوئٹر پلیٹ فارم کو مزید بہتر بنانے کے لیے تبادلہ خیال ہوا، ایلون مسک علی ظفر کے خیالات سے متفق دکھائی دیئے۔

تفصیلات کے مطابق گزشتہ روز انہوں نے ٹوئٹر صارفین سے وائن ایپ کی بحالی کے حوالے سے رائے جاننا چاہی، جس پر امریکی یوٹیوبر مسٹر بیسٹ نے اظہار خیال پیش کرتے ہوئے کہا کہ ’اگر آپ ایسا ٹک ٹاک سے مقابلے کی نیت سے کرنا چاہتے ہیں تو یہ مضحکہ خیز ہے‘۔

If you did that and actually competed with tik tok that’d be hilarious

— MrBeast (@MrBeast) October 31, 2022

جس پر ایلون نے جاننے کی کوشش کی کہ اسے ٹک ٹاک سے بہتر بنانے کے لیے کیا کرسکتے ہیں، اس پر گلوکار علی ظفر نے ایلون مسک کو تجاویز پیش کیں تو ایلون مسک نے اسے خوب سراہا۔

علی ظفر نے اپنے خیالات و تجاویز پیش کرتے ہوئے کہا کہ ’تخلیق کاروں کو ’لائکس‘ اور ’فالوور‘ کی جنگ سے نکل کر زیادہ سے زیادہ مراعات دی جائیں۔ انہیں اپنی الگ آن لائن ڈیجیٹل دنیا قائم کرنے کی آزادی دی جائے، جہاں وہ جو مرضی آئے تخلیق کریں ، مختلف چیزوں کو سیکھیں اور نت نئی تخلیق کریں، اپنے ہم خیال لوگوں سے مل کر سیکھیں اور اس سے کمائیں۔

Bigger incentives for content creators. Go beyond “likes” and “followers”. Enable them to build their own on line digital empires. A world they can create, learn and earn from. Clubs. Rooms. Likeminded people connecting, creating, auctioning, selling, monetising, sharing.

— Ali Zafar (@AliZafarsays) October 31, 2022

گلوکار نے مزید کہا کہ ٹوئٹر کے الگورتھمز کو بھی بہتر بنایا جائے تاکہ مختلف ممالک کے ہم خیال لوگ ایک جگہ جمع ہوسکیں اور ایک دوسرے سے اپنا مواد شیئر کرسکیں اور اسی مناسبت سے سرمایہ کار ان پر سرمایہ کاری کرسکیں‘۔

Another important thing. Change the algorithms. A person sitting in U.S should be able to come across content being made in Japan more easily and vice versa. Tweets and content should have a much higher reach and monetisation. Companies can pay for reach, individuals can’t.

— Ali Zafar (@AliZafarsays) October 31, 2022

ٹوئٹر کے سربراہ ایلون مسک علی ظفر کے خیالات اور تجاویز سے متاثر اور متفق دکھائی دیئے اور بتایا کہ جاپان نصف سے زیادہ نوجوان صارفین کے پاس حیرت انگیز اور منفرد مواد ہے لیکن جاپان کے علاوہ کہیں اور ایسا کچھ کبھی نظر نہیں آیا۔