(24 نیوز)روس نے خبردار کردیا ہے کہ ڈونلڈ ٹرمپ کو سابق امریکی صدر جان ایف کینڈی کی طرح قتل کیا جاسکتا ہے۔
روسی سلامتی کونسل کے ڈپٹی چیئرمین کا کہنا ہے امریکی صدارت کے لیے ریپبلکن امیدوار ڈونلڈ ٹرمپ جیت گئے تو یوکرین میں جنگ نہیں روک سکیں گے ۔
ٹرمپ نے جنگ روکنے کی کوشش کی تو قتل کردیا جائے گا ۔ امریکی انتخابات میں روس کے لیے کچھ نہیں بدلے گا۔
دوسری جانب امریکہ میں انتخابی مہم کا آج آخری روز ہے، تیاریاں مکمل، سکیورٹی سخت انتظامات کیے گئے ہیں۔ ڈونلڈ ٹرمپ اورکاملا ہیرس کے درمیان کانٹے کا مقابلہ متوقع ہے۔
سروے کے مطابق کاملا ہیرس کو ڈونلڈ ٹرمپ پر تین پوائنٹس کی برتری حاصل ہے ۔ الیکشن میں کامیابی کیلئے 270 ووٹ لینا ضروری ہے۔