آئمہ بیگ سے اظہارمحبت کرنےوالاشخص کون ہے؟مداح تجسس میں مبتلا
گلوکارہ نے تصاویر کےساتھ کیپشن میں لکھا کہ میں نے اس سے زیادہ اسپیشل کبھی محسوس نہیں کیا
Stay tuned with 24 News HD Android App
(ویب ڈیسک)گلوکارہ آئمہ بیگ نے گلوکارہ سارہ رضا خان کے ساتھ تنازع کے بعد ایک مرتبہ پھر سوشل میڈیا صارفین کی توجہ حاصل کرلی۔
چند روز قبل آئمہ بیگ نے سوشل میڈیا پر ایک شخص "زینو" کے ساتھ ڈنر کی ایک تصویر اسٹوری پر اپ لوڈ کی تھی، تاہم اب گلوکارہ نے جو تصویر شیئر کی ہے اس میں یہ شخص گلوکارہ سے محبت کا اظہار کر رہا ہے۔
گلوکارہ کی جانب سے شیئر کردہ تصویر میں دیکھا جا سکتا ہے کہ ڈنر ٹیبل پر پلیٹ میں ڈیزرٹ پیش کیا گیا ہے جس پر چاکلیٹ سے "آئی لو یو" لکھا ہوا ہے،ساتھ ہی آئمہ بیگ نے اپنی تصویر بھی شیئر کی ہے جس میں انہیں ہرے رنگ کا ویسٹرن ڈریس پہنے ہوئے دیکھا جا سکتا ہے۔
تصاویر کے ساتھ کیپشن میں آئمہ بیگ نے لکھا کہ میں نے اس سے زیادہ اسپیشل کبھی محسوس نہیں کیا۔
سوشل میڈیا پر آئمہ بیگ کے اس نئے شخص کے ساتھ تعلقات کے چرچے ہورہے ہیں،تاہم ابھی تک گلوکارہ کی جانب سے اس نئے رشتے کا باقاعدہ اعلان نہیں کیا گیا۔
یاد رہے کہ گلوکارہ آئمہ بیگ کی اس سے قبل اداکار شہباز شگری کے ساتھ منگنی ہوئی تھی،تاہم اس جوڑی کی جانب سے سوشل میڈیا پرکچھ عرصے بعد منگنی ختم کرنے کا اعلان کر دیا گیا تھا۔