اداکارہ ہانیہ عامر حادثے کا شکار؟
Stay tuned with 24 News HD Android App
(ویب ڈیسک) پاکستانی اداکارہ ہانیہ عامر نے حادثے کے سبب سلپ ہو کر گرنے کی ویڈیو خود شیئر کر کے اپنا مزاق خود اڑا لیا۔
پاکستان اور بھارت دونوں ہی ممالک میں یکساں مقبولیت کی حامل اداکارہ ہانیہ عامر نے گزشتہ روز فوٹو اینڈ ویڈیو شیئرنگ ایپ انسٹاگرام پر ایک پوسٹ جاری کی ہے جس میں وہ گھر کے دروازے سے باہر نکلتی ہوئی نظر آرہی ہیں اور سلپ ہو کر سیڑھیوں کے سامنے گِر پڑتی ہیں۔
View this post on Instagram
مذکورہ ویڈیو دروازے کے سامنے لگے ایک سی سی ٹی وی کیمرے کی فوٹیج ہے جس کو بعد میں دیکھتے ہوئے ہانیہ خود اپنا تمسخر اڑاتی دکھائی دے رہی ہیں۔ اس پوسٹ میں ایک اور ویڈیو بھی شامل ہے جس میں ہانیہ کو مختلف لباس پہنے اسی مقام پر واپس آتے دیکھا جاسکتا ہے لیکن اس مرتبہ وہ بہت احتیاط کے ساتھ چلتی نظر آتی ہیں اور سی سی ٹی وی کیمرے کی جانب دیکھ کر ’ویکٹری پوز‘ بھی دیتی ہیں اور گھر میں اندر چلی جاتی ہیں۔
مزید پڑھیں: ماہرہ خان نے شادی کی ویڈیو شیئر کردی
مذکورہ پوسٹ کے کیپشن میں ہانیہ عامر نے بالی وڈ سپر ہٹ فلم ’اوم شانتی اوم‘ کا مقبول ترین ڈائیلاگ ’اسی جھومر کے نیچے ملے گی شانتی کی لاش‘ لکھا۔
اس پوسٹ کے کمنٹ سیکشن میں ان کے مداحوں کی ایک بڑی تعداد پہنچ چکی ہے۔ اس پوسٹ پر ہانیہ کے بھارتی مداحوں نے بھی جم کر کمنٹس کیے ہیں۔
View this post on Instagram
یاد رہے کہ گزشتہ روز اداکارہ نے ایک پوسٹ جاری کی ہے جس میں شامل ایک تصویر میں وہ خوشی کا اظہار کرتی ہوئی گلوکارہ یشل شاہد کے کندھے پر بیٹھی ہوئی ہیں جبکہ ایک ویڈیو میں وہ شاہ رخ خان کی رواں ماہ ریلیز ہونے والی بلاک بسٹر فلم ’جوان‘ کے گانے ’چلیا‘ پر رقص کرتی ہوئی نظر آئی تھیں۔