حزب اللہ کا مزید 17 اسرائیلی فوجی ہلاک کرنے کا دعوٰی

(24 نیوز ) حزب اللہ نے جمعرات کو جھڑپوں کے دوران جنوبی لبنان میں مزید 17 اسرائیلی فوجیوں کو ہلاک کرنے کا دعوٰی کیا ہے جبکہ اسرائیل نے جانی و مالی نقصان چھپانے کی بھرپور کوششیں شروع کردی ہیں۔

حزب اللہ نے ایک بیان میں کہا ہے کہ جنوبی لبنان میں زمینی لڑائی کے دوران افسروں سمیت 17 اسرائیلی فوجی ہلاک ہوئے ہیں۔ حزب اللہ نے جمعرات کو بھی شمالی اسرائیل کے مختلف علاقوں پر راکٹ برسانے کا سلسلہ جاری رکھا،یاد رہے کہ گزشتہ روز بھی حزب اللہ کے جانبازوں سے جھڑپوں کے دوران اسرائیل کے 14 فوجی ہلاک ہوئے تھے۔ اسرائیلی فوج نے 8 فوجیوں کے ہلاک ہونے کا اعتراف کیا تھا،عرب میڈیا نے بتایا ہے کہ حزب اللہ سے جھڑپوں کے دوران اسرائیلی فوج بدحواسی میں کفر کلہ نامی علاقے میں اپنی بکتر بند گاڑی بھی چھوڑ بھاگی۔