نیوزی لینڈ سیریز کیلئے پاکستانی ٹیم کے کھلاڑی کوویڈ ٹیسٹنگ اپنے شہروں سے کرائیں

 (مانیٹرنگ ڈیسک)پاکستان کرکٹ ٹیم کے کھلاڑیوں اور ٹیم مینجمنٹ اراکین کی نیوزی لینڈ سیریز کے لئے پاکستان ون ڈے اسکواڈ میں شامل کھلاڑیوں کی اپنےاپنے شہروں میں کوویڈ ٹیسٹنگ کی جائے گی۔

تفصیلات کے مطابق کل پاکستان کرکٹ ٹیم کے کھلاڑیوں اور ٹیم مینجمنٹ کے اراکین کی  کوویڈ ٹیسٹنگ ہوگی، اسکواڈ کے اراکین کو کوویڈ ٹیسٹنگ کے بعد تین روز محتاط رہنے کی ہدایت کی گئی ہے، خیال رہے کہ اسکواڈ اراکین کی کوویڈ ٹیسٹنگ اپنے  شہروں سے ہو گی۔

ذرائع کے مطابق اسکواڈ 8 ستمبر کو اسلام آباد میں اکٹھا ہو گا اور ہوٹل میں اِن کی دوبارہ کوویڈ ٹیسٹنگ ہوگی، ایک روز کے قرنطینہ کے بعد 10 ستمبر کو پنڈی اسٹیڈیم میں ٹریننگ کا آغاز کیا جائے گا۔پی سی بی ذرائع کے مطابق نیوزی لینڈ ٹیم کی آمد 11 اور 12 ستمبر کی درمیانی شب ہوگی اور  پہلا ون ڈے 17 ستمبر کو ہوگا۔

واضح رہے کہ نیوزی لینڈ کے خلاف بیس رکنی ٹیم کا اعلان کیا جا چکا ہے، نیوزی لینڈ سیریز میں تین ون ڈے اور پانچ ٹی 20 میچز کھیلے جائیں گے۔

یہ بھی پڑھیں:        شدید بارش : کراچی ،حیدر آباد سمیت سندھ بھر میں تمام نجی اسکول بند رہیں گے