بھارتی کرکٹ بورڈ کا وفد آج پاکستان پہنچے گا

(ویب ڈیسک) پاکستان میں جاری ایشیا کپ میچز دیکھنے کیلئے بھارتی کرکٹ بورڈ کا 4 رکنی وفد آج پاکستان پہنچے گا۔

تفصیلات کے مطابق پاکستان کرکٹ بورڈ (پی سی بی) کی درخواست پر بی سی سی آئی کے صدر راجر بنی کے ساتھ نائب صدر راجیو شکلا پاکستان آئیں گے، بھارتی وفد ایشیا کپ کے 5اور 6ستمبر کے میچز دیکھے گا،بی سی سی آئی وفد آج دوپہر کو واہگہ بارڈر کے راستے پاکستان پہنچے گا،پی سی بی نے ایشیا کپ میں شریک ملکوں کے بورڈ سربراہان کو دعوت دی ہے، آج بورڈ عہدے داران کے اعزاز میں عشائیہ بھی دیا جائے گا،واضح رہے کہ بنگلہ دیش کرکٹ بورڈ کے کرکٹ آپریشنز کمیٹی کے چیئرمین جلال یونس پہلے ہی پاکستان پہنچ چکے ہیں جبکہ نیپال بورڈ کے حکام ملتان میں موجود ہیں ۔