حسن علی نے شاداب خان سے میچ دیکھنے کے لیے ٹکٹ مانگ لی

(ویب ڈیسک ) قومی کرکٹ ٹیم کے تیز گیند باز حسن علی نے اپنے ٹیم میٹ اور پاکستان کرکٹ ٹیم کے نائب کپتان شاداب خان سے ایشیا کپ سپر فور مرحلے کے میچ ٹکٹ مانگ لیے۔

تفصیلات کے مطابق ایشیا کپ 2023 ہائبرڈ نظام کے تحت پاکستان اور سری لنکا میں جاری ہے ، قومی کرکٹ ٹیم نےگزشتہ روز ایشیا کپ میں بھارت کے خلاف اہم میچ کھیلا لیکن بدقسمتی سے  پاک بھارت میچ بارش کے باعث بے نتیجہ ختم ہوا،میچ بے نتیجہ ختم ہونے کی وجہ سے دونوں ٹیموں کو ایک، ایک پوائنٹ دیا گیا، جس کے باعث نیپال کے خلاف پہلے میچ میں کامیابی حاصل کرنے والی پاکستان ٹیم ایشیا کپ کے سپر فور مرحلے میں پہنچ گئی۔

اتوار کو  قومی کرکٹر شاداب خان نے ایکس( ٹوئٹر) پر بس میں موجود پاکستانی کھلاڑیوں کی ایک تصویر پوسٹ کی اور لکھا کہ'ہم اپنا اگلا میچ لاہور میں کھیل رہے ہیں۔شاداب نے شائقین کرکٹ سے درخواست کی کہ آئیے دنیا کو دکھائیں کہ ہمارے فینز کتنے پرجوش ہیں۔ اسٹیڈیم میں جذبے کے ساتھ اپنے جھنڈے لائیں، پاکستان زندہ باد۔

We are playing our next match in Lahore. Lets show the world how passionate our fans are. Bring your flags, bring you passion, bring your love. #PakistanZindabad pic.twitter.com/DYLGAxPQOy

— Shadab Khan (@76Shadabkhan) September 3, 2023

جس پر  فاسٹ بولر حسن علی نے ٹویٹ کیا کہ بھائی میں بھی آنا چاہتا ہوں میچ دیکھنے      مجھے ایک ٹکٹ مل سکتا ہے ؟۔۔

Bhai main be ana chahta hon match dekhny mje 1 ticket mel skta please https://t.co/0UoyeXx9WB

— Hassan Ali ???????? (@RealHa55an) September 3, 2023