(ویب ڈیسک) بھارتی دارالحکومت دہلی میں ایک8 سالہ لڑکے کو اس کے 13 سالہ دوست نے مبینہ طور پر اغوا کر کے موت کے گھاٹ اتار دیا۔
پولیس کے مطابق ملزم اور مقتول دونوں میں کچھ دن پہلے لڑائی ہوئی تھی، مقتول کے خاندان نے مبینہ گمشدگی کے بعد پولیس سے رابطہ کیا، اہلِ خانہ نے آخری بار مقتول کو اپنے دوست کے ساتھ گھر کے باہر کھیلتے ہوئے دیکھا تھا۔پولیس حکام نے بتایا کہ ابتدائی طور پر تفتیشی افسران لڑکے کا سراغ نہیں لگا سکے لیکن جب انہوں نے اس کے 13 سالہ دوست سے پوچھ گچھ کی تو انہیں پتاچلا کہ مقتول کو جنگل میں لے جا کر قتل کیا گیا۔
پولیس کا کہنا ہے کہ8سالہ مقتول کے والدین علاقے میں سائٹ لیبر اور مددگار کے طور پر کام کرتے ہیں۔ ملزم کو پکڑ لیا ہے قانون کے مطابق سزا دی جائے گی۔
یہ بھی پڑھیں:میرا فون واپس کرو۔گرل فرینڈ کے انکار پر لڑکے نے انتہائی قدم اٹھا لیا