کراچی میں سی ٹی ڈی کی کارروائی، 7 افراد کی ٹارگٹ کلنگ میں ملوث ملزم گرفتار

(انوشہ جعفری) صوبائی دارالحکومت کراچی میں سی ٹی ڈی نے کارروائی کرتے ہوئے ٹریفک اور ڈسٹرکٹ پولیس اہلکار سمیت 7 افراد کی ٹارگٹ کلنگ میں ملوث ملزم گرفتار کرلیا۔

سی ٹی ڈی حکام کے مطابق ملزم کیخلاف قتل، اقدام قتل اور دہشتگردی سمیت دیگر دفعات کےتحت مقدمات درج ہیں۔

یہ بھی پڑھیے: پنجاب پولیس کا کریک ڈاؤن، بیرون ملک سے 10 اشتہاری گرفتار

انچارج سی ٹی ڈی کے مطابق ملزم فراز الحسن اور ساتھیوں نے 2014ء میں ٹریفک اہلکار محمد منشاء کو قتل کیا جب محمد منشاء ساتھی اہلکاروں سمیت ٹریفک سگنل چورنگی نمبر1 ناظم آباد میں ڈیوٹی کر رہا تھا۔

ملزم نے 2014ء میں ہی پاپوش نگر اشرف کمیونٹی ہال کےقریب پولیس اہلکار شاہد کو بھی قتل کیا، ملزم نے پولیس اہلکار کو سوتیلے بھائی کی موت کا بدلہ لینے کیلئے قتل کیا، اہلکار شاہد کی ریکی ملزم کےوالد قاضی وحید کر رہے تھے۔