(ویب ڈیسک)پاکستانی ناول نگار علشبہ خان بڑیچ نے "ینگ وومن آف دی ایئر" ایوارڈ جیت لیا۔
علشبہ خان بڑیچ کویہ اعزاز "ویمن چینجنگ دی ورلڈ ایوارڈز 2025" کے تحت دیا گیاہے،یہ ایک بین الاقوامی پروگرام ہے جو دنیا بھر میں خواتین کی مثبت خدمات کو سراہنے کے لیے منعقد کیا جاتا ہے۔
علشبہ کو 3 اپریل کو لندن میں منعقدہ تقریب میں باضابطہ طور پریہ ایوارڈدیاگیا جواُنہوں نے زمبابوین امریکی ڈاکٹر ٹرینٹ اور برطانوی شہزادی سارہ فرگوسن سے وصول کیا۔
میڈیا رپورٹس میں کہا گیاہے کہ علشبہ خان بڑیچ پاکستان کی سب سے کم عمر ناول نگار ہیں،انہوں نے 11 سال کی عمر میں اپنا پہلا ناول تحریر کیااور 14 سال کی عمر میں یادداشت لکھی جبکہ 16 سال کی عمر میں خود اپنی کتاب شائع کی۔
علشبہ اقوام متحدہ کے ادارے یونیسیف کے ساتھ یوتھ ایمبیسیڈر برائے ذہنی صحت اور انسدادِ پولیو کے لیے بھی کام کر چکی ہیں،وہ اِس وقت وزیراعظم شہباز شریف کی یوتھ ایڈوائزر، نیشنل یوتھ کونسل کی رکن اور کوئٹہ گلیڈی ایٹرز کی یوتھ ایمبیسیڈر بھی ہیں۔
یہ بھی پڑھیں:سلمان خان کے ٹرینر نے سپرسٹار کی فٹنس کا راز بتا دیا
علشبہ کااس حوالے سے کہناہے کہ ایوارڈ کے لیے جب پاکستان کا نام پکارا گیا تو یہ صرف اُن کا ذاتی سنگ میل نہیں بلکہ اِس بات کا ثبوت تھا کہ نوشکی اور کوئٹہ سے صرف عسکریت پسندی کی خبریں نہیں بلکہ حوصلہ مند اور باصلاحیت کہانیاں بھی اُبھرسکتی ہیں۔